احدثكم من منتصف الفراغ – كل الفعاليات الي أسويها لنفسي وقفتها ايش الفعاليات.؟ كنت مسوية جدول لتطوير الفرنسي، الإنجليزي وكان عندي روتين معين استمريت عليه لمدة شهر زي العسل فجاءة قلب نومي وقلب مزاجي معاه حسيت ما ابغى أسوي شيء قفلت جداولي يعني خلصت كل شي كتبته وحذفتها وكل مرا تجيني فكرة واوقف، يمكن حاسة بالتشتت نفسي مره وحدة في حياتي أركز على هدف واحد بس بس لو نلاحظ الحياة كلها ما تمشي مسار واحد وهدف واحد، انت داخل ضمن عدت اهداف وحتى الأشخاص من حولك مو شخص واحد عشان تركز انت ضمن دائرة وحياتك ضمن دائرة والحيوات تدخل في بعضها حتى اهدافك ضمن دوائر مو خط مستقيم بالتالي في أوقات تزيد الدوائر حولك فيزيد تشتتك واوقات تخف الدوائر حولك ويزيد تركيزك يعتمد على اصرارك ابتعادك عن الدوائر الي تشتتك وعزل نفسك لمدة من الزمن تمارس فيها المهام الصغيرة الي حتوصلك لهدفك بس مو كلنا نملك هذا العزل خصوصا وسط اهلك واهلك يلزموك إنك تكون معاهم اغلب الوقت وتمارس النشاطات الي يمارسوها، لما يسلبوا خصوصيتك معناتها يسلبوا منك العزل الي انت محتاجة في يومك عشان تقدر تركز وتحقق هدف واحد من اه
أهلاً ابغى انقل لكم يومي بتفاصيله الجميلة كانه فلوق صباحي جميل :( لكن للاسف انه بلوق وليس فلوق وعلى طاري الفلوقات اتمنى اني اصير فنانة في التصوير عشان افتح قناة يوتيوب وانزلكم احلى فلوقات لروتيني اليومي نقول بسم الله ونبدا نقل فتحت عيوني الساعة 4 الصباح حسيت بألم في بطني شويتين ، بديت اليوم بإحساس تأنيب ضمير بنسبة 3 من 10 والسبب إني ما خرجت ليلة الخميس ، ليش ما خرجتي يا سماهر.؟ اتفقت مع اختي تصحيني الساعة 9 الليل على اساس حخرج وفعلا صحتني بس حسيت ان النومة احلى من الخرجة خصوصا إني خرج مع اهلي لا جديد فكملت شخير وغمضت عيوني بعد ما شوفت ظلها ونور خافت جاي من فتحة الباب وهيا تحاول تصحيني بعد إحساس التأنيب حسيت ان الوضع عادي محا اخرج خرجة خارقة وجميلة وزي ما ابغى ، عارفة يلي تقرأ حتقول ايش التشاؤم هذا بس هذا مو تشاؤم الله يسلمكم هذي نظرة واقعية على نمط الخرجات الي ممكن اخرجها وانا مع اهلي اتعوذت من ابليس وصحيت نفضت السرير والمخدات ، دخلت الحمام سويت الروتين المعتاد واتوضيت رجعت للغرفة غيرت ملابسي فتحت شعري (كان مظفر) طبعا فتحته عشان يتنفس ومنها ابخ بخاخ الشعر واخليه يستعد لل