👀..أهلاً
البوست الاول على مدونة قوقل بعد تخبط وعناء
كيف حكتب؟ وايش حكتب؟
هل في احد حيقرأ لي؟ هل بعد فترة لو رجعت للكلام الي حكتبه هنا حندم أو احس بالفشلة من نفسي ومعرفتي وعدم إلمامي بالموضوع
...نعم اكتبلكم وانا اتسائل وفي حيرة من امري
بس خليني اجرب واكتب الي في خاطري، ابغى انشر بدون ترقب لأيش حيصير لو نشرت مقالة
😔وكيف حتكون ردة فعلي لو لقيت صفر مشاهدة - الله يعين
يمكن مو لازم نستنى المشاهدات ويمكن هذا طريق لاني اتعود على كتابة المدونات إلى ما اتمكن ويصير انتقلت من التغريدات البسيطة
وسلسلة التغريدات إلى كتابة مدونة بعدد احرف أكثر و بتفصيل للأحداث
!اتحدى نفسي فيها عشان املئ الصفحة البيضاء بكلام في الوقت الي عقلي يقلي انتي ايش بتسوي
والتحدي الأكبر مو هنا ، تحدينا حاليا في كيف نكتب كلام منمق مجرد من مشاعرنا واحاسيسنا عشان بسس الناس صارت تناديي بأهمية
كتابتنا لمحتوى يفيدهم ومو مستعدين يقرأوا لمحتوى تعبر فيه عن مشاعرك وتفصل فيه الأحداث بمعتة ،لأن معليش بس محد فاضيلك
عندنا وقت حنقضه على تيك توك سناب شات واشياء اخرى مدمنين عليها فـ ارجوك اختصر في محتواك واكتب بفائدة عالية
وخلي كلامك منمق وفكرته جذابة
ابغى اكتب عشان اطور طريقتي في الكتابة، ابغى اكتب عشان اوصل مشاعري أفكاري ويومياتي لكل احد يحب يقرأ مو بس للكّتاب
المنتشرة كتبهم على ارفف المكاتب لأ، لكاتب التغريدة والمقالة أو كاتب الاون لاين
يمكن تكون هذي أسوأ مقالة حتقرأها في حياتك ، وأسوأ مقالة اكتبها بس معليش كلنا نعرف ان البدايات مو مثالية
والبداية هذي هي الطبيعي والي أقدر عليه حالياً
مع السلامة يا أصدقاء
💔😭أو مع السلامة يا أنا -الوحيدة التي ستقرأ
حبيت البداية أمانة وانتظر مزيدك
ردحذف